Pachet d'advent - Uss s'annunziar per il pachet d'advent 2023!
Cura avais Vus survegnì la davosa giada in regal da surpraisa? S’annunziai per il pachet d’advent da RTR fin ils 30 da november. A partir dal prim da december tira RTR puspè mintga di la sort tranter tut quellas e quels ch’èn s’annunziads.
Mintga di gudogna in'auditura u in auditur in pachet cun bellas surpraisas.
Il pachet pudais Vus gudagnar sche Voss num vegn annunzià tar RTR en il rom da l'acziun «Pachet d'advent» e sche Vus telefonais lura entaifer 3 titels da musica suenter ch'il moderatur ha annunzià Voss num en il studio sin il numer gratuit 0800 20 25 30.
S'annunziar per il pachet pudais Vus cun in mail a
studio@rtr.ch
ubain cun ina carta postala a: RTR, pachet d'advent, Via da Masans 2, 7000 Cuira
