Dapli
Cura preschenta RTR il format
«Der Bachelor» per rumantsch?
(Ri) Jau hai gia guardà «Der Bachelor » sin divers emetturs e chat quai relativamain divertent. Dentant na correspunda quest format betg als standards da RTR.
L'ultim temp è vegnì discutà fitg savens davart il service public en las medias. Tge è atgnamain l'idea che s tat davos quest chavazzin?
Service public è ina fitg buna idea che festivescha bainprest 100 onns. E quest service public ha in'ingredienza speziala. Numnadamain d'avair ina chasa da medias absolut independenta d'influenzas politicas ed economicas e che serva als umans en Svizra. Quai è stada l'idea primara dal service public, e questa idea è anc oz actuala.
Ademplescha RTR quest service public?
Gea, en mintga cas. RTR vegn finanzià per gronda part cun entradas dal maun public, uschia che nus tutgain e servin als umans en Svizra. Entras quai essan nus independents e n'ans laschain betg cumprar u influenzar.
È l'emissiun Palaver da RTR era service public?
Il Palaver reflectescha tge ch'è capità durant l'emna, dat ina vista fitg cumpacta sin ils temas e tracta quels ord differentas opticas. E tut quai gida da forsa survegnir ina nova perspectiva d'in tema, ina ch'ins n'aveva forsa anc betg considerà.