Diari - Gievgia

Tge dian ils visitaders da l’emprim di al OAL 2015? Nus avain rimnà in per reacziuns da l'areal. Positivas, negativas, per rumantsch, per tudestg, senza commentari, semplamein la vista subjectiva dals visitaders.

Müslüm

Il davos act questa saira al OAL 2015 è Müslüm. L’enconuschent artist da Berna è il punct culminant da l’emprima saira. In tip tut spezial.

Audios da Müslüm

Satöry

Satöry, Hard Rock da la Surselva. Els han persvas il public, dentant betg dal tut ils experts da RTR Mirco Manetsch e Roland Vögtli. Tenor els sentia ins, ch’els na hajan betg dà tants concerts sco autras bands questa saira.

Audios da Satöry

Royal Riot

La terza band è stàda Royal Riot da Son Gagl. La band ha gì la pli gronda preschientscha sin tribuna da tut las bands fin ussa. Ina band cun grond potenzial, da la quala ins vegn anc ad udir bler il proxim temps.

Audios da Royal Riot

TORP

La secunda band questa saira al Open Air Lumnezia è stà TORP, ina band da Turitg. TORP dat i dapi in onn, ed els han potenzial. L’entschatta ha l’energia mancà in pau, suenter ina mes’ura eran i dentant sin turas ed avessan savì cuntinuar per uras...

Audios da TORP

Polyphone

L’emprima band da la saira è stada la band engiadinaisa Polyphone. La band domiciliada a Cuira e Turitg ha sunà da las 20:00. Esser l’emprima band è adina difficil. Els han dentant dà in bun concert ed han motivà il public anc stgars. Ina band cun potenzial.

Audios Polyphone