Il fundatur è stà il enconuschent scriptur svizzer Tista Murk. El è nat dal 1915 a Müstair. Ensemen cun auters Jauers han els fundà la societad chasa jaura Val Müstair. Tar la chasa Jaura sa tracta dad ina tipica chasa da purs fabritgada avant passa 300 onns. La finamira è da procurar che l’istorgia da la Val Müstair na giaja en emblidanza.
-
Bild 1 von 4Legenda: Ina chasa tipcia da purs RTR -
Bild 2 von 4Legenda: Ella sa chatta a Valchava RTR
-
Bild 3 von 4Legenda: La chasa è passa 300 onns veglia Daus Haus ist mehr als 300 Jahre alt
-
Bild 4 von 4Legenda: Igl è in museum ed in lieu cultural RTR
La chasa Jaura in center cultural
Sper la chasa sco museum han lieu in quellas localitads era vernissaschas nua che vegn preschentà oravant tut art contemporana, plinavant han lieu in quella chasa differents concerts. Tenor il president da la societad chasa Jaura Marco Gilly è gist la cumbinaziun tranter museum e lieu cultural – il spezial da la chasa.
La Chasa Jaura Val Müstair a Valchava fa punts en il passà. I vegn mussà co che la glieud ha vivì e lavurà pli baud. Il museum collia dentant era cun il contemporan. L'onn da giubileum è il museum la culissa per ovras da l'artista e serigrafa indigena Esther Schena. Per ella è quai l'emprima exposiziun en patria.
Nus vulain colliar la Chasa Jaura, il museum, cun la cuntrada dador vart, cun la cuntrada culturala.
Senda da las linguas
Dapertut han sendas tematicas conjunctura auta. Uschia er en Val Müstair. La Chasa Jaura ha fatg ensemen cun il Parc da natira Biosfera Val Müstair ina senda da las linguas.
Sin la tura da var otg kilometers enturn Valchava datti adina puspè bancs per far in paus. Là pon ins lura tadlar cun agid dad ina app e las tavlas sin ils bancs producziuns liricas rumantschas e tudestgas. Las producziuns èn inspiradas da nums locals rumantschs. Il gir dura tenor indicaziuns dal museum trais e mez fin quatter uras.
Or da l'archiv: inauguraziun da la Chasa Jaura avant 50 onns, festa da 25 onns ed exposiziuns