Tge è amur? - L’amur per la mar – Gino Clavuot e las undas - Cultura

Sche Vus legis questas lingias è Gino Clavuot a la mar en l'Indonesia...

Ein Surfer in voller Aktion. — Legenda: «Sche ir cun l'aissa, lura endretg» – il 2023 en l'Indonesia. Gino Clavuot

La mar la damaun baud, il mument sulet sin l’aissa a spetgar sin l’unda perfetga – sche l’Engiadinais Gino Clavuot discurra da la mar cumenza el da traglischar...

Der Surfer Gino Clavuot während eines Aufenthalts in Indonesien. — Legenda: In um, sia aissa e la mar – en las auas da l'Indonesia. Gino Clavuot

Cun la mar al collia in’amur profunda, in’amur ch’el viva ora tant sco pussaivel. Sis u set giadas ad onn prenda el perquai sia aissa da surf e parta per las mars dal mund:

Mia mar preferida è l’Atlantic perquai ch’ins na sa mai co ch’el è.

Autur: Gino Clavuot passiunà da la mar

Gino Clavuot surft eine Welle in Ericeira. — Legenda: L'Atlantic ad Ericeira en il Portugal. Gino Clavuot

Avant che partir ha el dentant raquintà a la Vita e cretta per la seria estiva da las dumondas filosoficas da la mar, dad undas e squagls, cumpetiziun e resilienza, insumma da si’amur per in element che n’è betg propi l’abitat usità dad in Engiadinais.

Italia 1990 a Follonica – quai è stà il mument che Gino Clavuot da Tarasp ha scuvert sco mattet da tschintg onns la mar, la Mar Mediterrana. A Follonica è seguì Montpellier. A la Mar Mediterrana curt suenter avair fatg la matura l’Atlantic – e l’aissa da surf. Ed uss è l’Engiadinais sis enfin set giadas ad onn a la mar: «Jau dovr tut las vacanzas per ir a la mar».

Sch’el n’è betg surfond sin ina da las set mars da quest mund – noda el a Cuira en l’Obere Au, u ch'el dat in cuc en las webcams en la rait a guardar tgeninas undas ch’i dat nua sin il mund.

Gino Clavuot fa musica sco rapper Snook – e lavura sco business continuity manager tar il chantun Grischun.