(surmiran) Seiras lungas, cumpagneia e bler taimp agl liber. Vistgadeira leva e vacanzas lungas. Viadis, per chels tgi on luvro tot onn. Finalmaintg ins so cumprar fretga e verdura sainza aveir ena schleta cunsienztga. Magari parigl tg’igl antier onn spetgan tots sen chel taimp: seia chegl igls unfants da scola, la puraglia u igls sportists. Igl è scu sch’ensatgi strucless sen en battung da partenza: i antscheva en nov taimp.
Ia scu fan digl anviern vei l’antiera tgossa pi critica. Per exaimpel dastgainsa da stad betg traversar las pastgiras, uscheia tgi ischans rantos ve da las senda. Animaligns am peclan mintga notg, uscheia tg’am morda anc deis or. I nescha tar me igl stress: cura dastgan neir davertas las fanestras, sainza lascher antrar giasts nunanvidos?
Organisar ena festa da stad è er adegna ena sfeida. Naturalmaintg tgi nign less tschantar davains, ma igl plan b stò neir elaboro tuttegna. I dovra tendas an cass tgi plova u umbrellas sch’igl è mengia tgod.
Magari parigl tg’igl antier onn spetgan tots sen chel taimp: segl igls unfants da scola, la puraglia u igls sportists. Igl è scu sch’ensatgi strucless sen en battung da partenza: i antscheva en nov taimp.
I fò mattagn ossa betg ple surstar sch’ia dei, tg’ia sung pertutgeida da la stroca da fagn. Igl taimp cura tgi tots lessan eir oravant e galdeir igls bels deis è igl giaveisch da nous allergichers cler: eir sot la duscha, sarar tot e simplamaintg aveir en mument pôss da tot igls sintoms.
Naturalmaintg è mintga stad en po otra. L’ora è an tschert lis er pi previsibla tgi tar nous ed igls pollens varieschan tenor grad da ladezza. Ma tuttegna lessa gugent tgapeir: Pertge dat la stad agls egns chella gronda libertad? Ègl simplamaintg igl ciclus da scola, tgi purtagn er igls onns siva cun nous? U ègl la cleritad digl suglegl tg’ans dat igl sentimaint dad aveir daple energeia? Bler varogl er da far cun la vistgadeira tgi è pi leva tgi d’anviern.
Ensatgi varo fatg sias ponderaziuns ed uscheia painsa tgi savagn angal stimar ensatge schi savagn tgi so er esser oter. Mintga staschung ò oramai igl sies avantatg u disavantatg. Ia sa tg’ia sa angal galdeir igl anviern perveia dalla lavour las treis staschungs avant. Ia semtg digls deis tg’ia dastg eir crousch e travers tras la neiv, sarar e darveir las fanestras, cura tg’ia less, e galdeir la raccolta dalla stad passada …