Juli s’engascha tar ils pumpiers, va a las radunanzas communalas, nua ch’i vegn tranter auter debattà davart ina baselgia sper l’autostrada, ed ella s’entaupa cun amis ed amias. Ses tic è da cuschinar mintga di da l’emna la medema tratga. La vita bunamain monotona da Juli cuntinuescha enfin ch’in bel di sa mida tut e la dunna finescha en praschun.
L’autura Lea Catrina, ch’è creschida si a Flem e che viva per part a Pignia, emprova en «Öpadia» dad experimentar cun tudestg standard, cun differents dialects grischuns e perfin cun il rumantsch. Il text vegn interrut da poesias da Martina Caluori che prendan si motivs da l’istorgia e giogan lura cun pleds.