Il ticker è a fin
-
0:11
Il triangul dal Tiptopf
E tge ha quel triangul grafic dal «Tiptopf» cun salata e tschigulatta da far cun Louis XIV e cun cannibals? La resposta è da chattar en shot-story da Martin Cantieni.
audioLa shot-story da Martin Cantieniord Actualitad dals 03.11.2018. laschar ir. Durada: 2 minutas 1 Secunda. -
0:07
Film e bar
La bar da la shot-story-night ha organisà l'uniun da Cineasts independents rumantschs (CIR) - en il maletg Susanna Fanzun e Menga Huonder-Jenny (da san.)
Legenda: Cineastas a la bar L'uniun da Cineasts independents rumantschs (CIR) ha offerì vinars e drincs "litterars". RTR -
23:51
Caduff, Cavegn, Casutt, caput!
La shot-story da Christian Fey n'è betg ina story, mabain ina poesia. A noss parairi ha el merità il vinarsin, cun u senza alcohol. Viva!
audioChristian Fey - in dals prelecturs da la shot-story-nightord Actualitad dals 02.11.2018. laschar ir. Durada: 54 Secundas. -
23:35
Litteratura sin empustaziun u Shot-Story-Night 2.0
In sitg per ina story - la bar cineastica che venda tar in zanin gist er anc in autur u in autura cun in'istorgia, para da fruntar a Domat sin viv interess.
Legenda: Legias ti anc u baivas gia? Ils auturs - sco qua Martin Cantieni - sa dattan tutta fadia per lur sitg. RTR -
22:47
Mörgeli e subvenziuns
Ed il cabaret plurilingual da «schön und gut» enconuscha las finezzas culturalas da la Svizra, perfin quellas rumantschas.
audioIl cabaret plurilingual da "schön und gut"ord Actualitad dals 02.11.2018. laschar ir. Durada: 1 minuta 7 Secundas. -
22:16
... e cun quai ch'els èn talmain buns, qua anc l'istorgia da Werner, il t-bone-steak ed il carabiner:
audioschön & gut: da schlaviners, carabiners ed autras disgraziasord Actualitad dals 02.11.2018. laschar ir. Durada: 3 minutas 4 Secundas. -
22:02
Las dunnas da l'ustaria
Ellas èn en il center sch’i va per emplenir il spazi tranter ils puncts da program: Las dunnas da l’Uniun da dunnas da Domat e lur ustaria.
Legenda: Da san. Lucia Bundi, Irene Federspiel, Petra Hörler e Philo Deplazes. RTR -
21:51
«MARY» da «schön&gut» - cun Anna-Katharina Rickert e Ralf Schlatter
Agneta da la Lettonia vul vegnir en Svizra e daventar ina Svizra - ma quai n'è betg uschè simpel. Ed uschia resta ella pendida, insanua, tranter ils munds. Quel spazi illuminescha il duo cabarettistic «schön & gut» da maniera poetic-politica cun chant e pled.
Quant bain ch'els fan quai mussa tant lur premi per art pitschen svizzer, ch'els han survegnì il 2017, ma er la sairada plain spiert e satira qua a Domat:
audioMARY - cun il duo cabarettistic schön & gutord Actualitad dals 02.11.2018. laschar ir. Durada: 1 minuta 5 Secundas. -
21:01
Per cumenzar ha er Viola Pfeiffer, la presidenta da l'Uniun per la litteratura rumantscha (ULR), fatg ponderaziuns interlinearas. Tranter las lingias litteraras ha ella chattà tensiuns e tradiment, in u l'auter buatsch, schanugls averts e qua e là aria chauda - en sasez tut sco sco en la vita reala er.
audioViola Pfeiffer cun sia racumandaziun per ils dis a Domatord Actualitad dals 02.11.2018. laschar ir. Durada: 26 Secundas. -
20:52
Uss èn ils Dis da litteratura 2018 partids
Per il comité d’organisaziun ha Sara F. Hermann dat il bainvegni - e quai gia il venderdi saira ad ina sala bain plaina:
Bainvegnids!
- nova lingia -
Bainvegnidas!
- nova lingia -
... ma tadlai gist sez:
audioLas lingias da Sara F. Hermannord Actualitad dals 02.11.2018. laschar ir. Durada: 20 Secundas. -
19:44
«Là, precis là!» è l'essenza da la litteratura - tranter las lingias...
... e perquai è "tranter lingias" er il motto che las 5 dunnas dal comité – Nadina Derungs, Sara F. Hermann, Sereina Nay, Corina Schmed e Natalia Tuor – han tschernì per ils Dis da litteratura 2018.
Legenda: Il comitè: Sereina Nay, Nadina Derungs, Natalia Tuor, Corina Schmed e Sara F. Hermann. RTR -
18:44
Da quellas e quels che scrivan cudeschs rumantschs ...
... datti baininqual u baininqualina - quai mussan ils Dis da litteratura onn per onn da maniera impressiunanta. Co statti dentant cun quellas e quels che legian ils cudeschs?
Tgi che crai uss ch'ils cudeschs fetschian be pulvra sin curuna, savess esser surprais da la resposta ch'il Telesguard ha chattà:
-
18:27
La maisa è pronta
Sco mintg'onn prepara la Lia Rumantscha ina maisa bain emplenida da publicaziuns rumantschas, novas e veglias, grondas e pitschnas, liricas e prosaicas.
Legenda: La maisa da cudeschs a Domat La litteratura rumantscha sa preschenta als Dis da litteratura, quest onn per la 28avla giada. RTR -
18:00
Lingia per lingia...
...als Dis da litteratura: ina prevista sin ils trais dis litterars a Domat, dad Angela Hendry.
audioLas publicaziuns novas che vegnan preschentadas a Domat.ord Actualitad dals 02.11.2018. laschar ir. Durada: 5 minutas 23 Secundas.