Il ticker è a fin
-
15:46
Ed uss èsi uschelunsch - ils Dis da litteratura 2018 èn a fin
Suenter il punct final cun la premiaziun ha cumenzà spert la gronda partenza. La crème de la crème da la litteratura rumantscha sa sparpaglia puspè - cudeschs novs en las tastgas u en ils chaus.
A revair a Domat il 2019!
Legenda: A revair il 2019 - per in onn è Domat puspè stà la chapitala da la litteratura rumantscha. RTR -
15:36
Ellas èn cuntentas
Las tschintg dunnas dal comité d'organisaziun èn fitg cuntentas cun ils 28avels Dis da litteratura 2018. Ils programs da la saira hajan persvadì ed il nov modus dal Premi Term Bel haja procurà per quella tensiun, ch'ellas vulevan cuntanscher cun la prelecziun anonimisada.
Legenda: Quatter da tschintg - Corina Schmed, Nadina Derungs, Sara F. Hermann e Natalia Tuor - senza Sereina Nay. RTR -
14:57
Surpraisa: Asa S. Hendry va per la segunda giada cun il Premi Term Bel!
Il Premi Term Bel 2018 (3’000.-) va ad Asa S. Hendry per ses text «Binaris» – uschia gudogna ella suenter il 2016 la segunda giada il Premi Term Bel.
Ord la laudatio da la giuria:
«Persvadì la giuria han las differentas stresas da purtrets, sentiments e relaziuns. Ellas dattan al text ina profunditad, spessadad ed avertezza. Medemamain persvadì ha l’experimentaziun gartegiada en lingua e metafras.»
Legenda: Asa S. Hendry survegn il Premi Term Bel 2018. RTR -
14:54
Et voilà – uss vegn l’emprima victura:
Il Premi dal public 2018 (1’500.-) va a Viola Pfeiffer per ses text «La curridra».
Legenda: Viola Pfeiffer e Theo Haas da la vischnanca burgaisa da Domat. RTR -
14:52
La dramaturgia è perfetga ...
... sco emprim dà la moderatura Maria Victoria Haas enconuschent las auturas ed ils auturs dals 5 texts en la concurrenza finala:
- «Quel di» da Tinetta Rauch.
- «Viadi i’l paradis» da Fadrina Hofmann.
- «Binaris» è da Asa S. Hendry.
- «La curridra» è da Viola Pfeiffer.
- «Curriculum» è da Walter Roselli.
Da 18 texts ha la pregiuria tschernì 5 per en la concurrenza finala. Tut las finalistas e finalists survegnan 700 francs.
-
14:43
Tut Domat è uss gnervus ...
... sco proxima occurrenza stat la premiaziun dal Premi Term Bel 2018 sin il program. La moderatura Maria Victoria Haas lascha proximamain il giat or dal satg ...
Legenda: ... i scalina per l'ultima giada - Sara F. Hermann cloma en sala a la premiaziun Premi Term Bel 2018 nua che la moderatura Maria Victoria Haas spetga gia. RTR -
14:28
Poethreesome u lirica mida vestgì
Las poetessas Gianna Olinda Cadonau e Prisca Agustoni sa scuntran tranter spazis linguistics: En il rom dal project Poethreesome dal festival da litteratura Babel han ellas midà stgarpas e translatà vicendaivlamain lur ovras en rumantsch, tudestg, talian, franzos e portugais.
audioLa poesia dals chalzersord Actualitad dals 04.11.2018. laschar ir. Durada: 1 minuta 26 Secundas. -
13:50
Co ch'ina spassegiada avra fanestras en in temp lontan
«L'umbriva dil temps» - Il roman da Paula Casutt-Vincenz oscillescha tranter il preschent ed il passà. Cun spassegiar tras il Parc La Mutta a Falera s’avran a la dus amias Anna e Durana fanestras en il temp mistic gia da ditg passà.
Legenda: Paula Casutt-Vincenz cun ina copia da la guglia cun rudella en bronz chattada sin la mutta da Falera. RTR -
13:07
Rut Plouda fa l’artg da las giaglinas als turpetgs
Tranter las set giaglinas da Rut Plouda è er Camilla, la pula grischa – autra sco las autras e tuttina na poss’ins betg far excepziuns. Quai è in da numerus artgs, che Rut Plouda fa dal giagliner da las giaglinas a quel en il mund uman.
Il text è publitgà en la revista Viceversa Litteratura che promova las quatter linguas naziunalas.
audioRut Plouda en prelecziun - in excerptord Actualitad dals 04.11.2018. laschar ir. Durada: 1 minuta 15 Secundas. -
12:37
Las auturas Jessica Zuan e Sidonia Pazeller, avant anc tar la finissascha «Sin il viv», uss en visita tar la lounge da RTR.
Legenda: Dattan Impuls: Las auturas Jessica Zuan e Sidonia Pazeller. RTR -
12:26
Brunch a Domat -
quai èn 4 tarscholas grondas, 6 buttiglias da prosecco ed ina sessantina da literofils, radunads en il foyer avant la halla polivalenta Tircal.
Ed in u l'autra tranter dad ellas ed els vegn ad esser in zic pli gnervus sco tut ils auters - il victur u la victura dal Premi Term Bel.
Per l'emprima giada è vegnida fatga perfin la prelecziun da concurrenza dal Premi Term Bel en furma anonimisada - uschia ch'auter che la giuria na sa anc nagin, tgi che va suentermezdi las 14:45 cun il premi litterar.
Legenda: Tranter las lingias litteraras datti er in u l'auter mument culinaric. RTR -
11:22
Finissascha da «Sin il viv!» en il salun da coiffeur Haaratelier
La turnea per festivar il 25avel da l'emissiun Impuls va a la fin - e quai en in salun da coiffeur: Flurina Badel ha envidà Sidonia Pazeller, Jessica Zuan, Carlo Beer e Myriam Pelican (da dretg) da preleger lur texts.
Legenda: La scenaria en il salun da coiffeur - coming soon sin rtr.ch RTR -
10:52
«La cigna» sveglia gia las mirveglias da las lecturas...
Legenda: Interess per cudeschs er tar las pli giuvnas: L'autura Gabriela Holderegger Pajarola e l'illustratura Jacinta Candinas signan lur ovra. RTR -
10:46
Las cignas fan bogn senza lur plimas
«Igl era ina giada in giuven martgadant che è ì vì surmar ... » e tut quai che al succeda suenter, quai san ins uss leger en «La cigna» - l'ediziun nova dad ina paraula veglia, preschentada da la Chasa Editura Rumantscha.
audioDavid Flepp prelegia - las cignas fan bognord Actualitad dals 04.11.2018. laschar ir. Durada: 24 Secundas. -
10:08
La vusch lirica da Luisa Famos en talian
La lirica da Luisa Famos al ha tutgà en il cor - quai era avant var 15 onns. Dapi alura è il pictur ed autur puschlavin Giovanni Maranta fascinà da las poesias da l’autura ladina Luisa Famos (1930-1974). Perquai è el sa mess a translatar las poesias en lingua taliana.
audioDi d'enviern - Giovanni Maranta e Annina Sedlacek prelegianord Actualitad dals 04.11.2018. laschar ir. Durada: 1 minuta 9 Secundas. -
9:52
Premi Term Bel: La victura u il victur è ...
... gea, quai vegn or lura quest suentermezdi, las 14:45. Tschintg texts èn en la cursa: «Curriculum», «Quel di», «Binaris», «Viadi i'l paradis» e «La curridra».
En in discurs al radio ha Angela Hendry resumà la concurrenza da la sonda.
audioLa concurrrenza litterara Term Belord Actualitad dals 04.11.2018. laschar ir. Durada: 3 minutas 59 Secundas. -
9:35
Tranter lingias - la part culinarica da la sonda saira
Per l'emprima giada hai dà ina sairada da gala en la sala - cun buna qualitad sin palc e plat:
audioAngela Hendry cun las impressiuns da la sairaord Actualitad dals 04.11.2018. laschar ir. Durada: 2 minutas 56 Secundas. -
9:25
Cordial bainvegni - i dat anc bigliets
Bainvegnids al terz dals Dis da litteratura - cun litteratura da Luisa Famos fin a Paula Casutt-Vincenz - cun brunch - e cun la victura u il victur dal Premi Term Bel!
Legenda: Claudia Blumenthal-Cadruvi spetga cun ils bigliets. RTR