Il ticker è a fin
-
23:47
"Il shot è era stà bun."
La litteratura ed il vinars han gustà - silmain a l'auditur Michele Badilatti.
-
23:42
In textin en in zanin
Durant la "shot-story-night", suenter las 23.00, po vegnir empustada in'istorgia per mintga runda. L'autur u l'autura vegn a la maisa, prelegia si'istorgia ed a la fin datti in viva cun vinars.
-
22:22
Da musicals e cartas da jass
Stahlberger è era in stupend dissegnader da comic - e preschenta perquai en ses program era istorgias e gieus dissegnads, da musicals enfin a las cartas da jass svizras.
-
21:54
Per exempel l'inscunter al simposi a Bad Gastein
Il cabarettist e chantautur Manuel Stahlberger cun ina da sias chanzuns a Domat - "Bad Gastein". L'istorgia dad in inscunter casual dad in um ed ina dunna. Ils dus s'enconuschevan dad uffants, ma lur vitas èn idas en autras direcziuns. Ed a la fin sa dumondan tuts dus, sch'i fiss forsa vegnì meglier in cun l'auter u betg.
-
21:45
Las dunnas dal comité
Ed era las quatter dunnas salidan il publicum dal venderdi saira - da sanester: Corina Schmed, Laura Decurtins Rosset, Sereina Nay e Natalia Tuor. Sara Hermann ch'è atgnamain era commembra dal comité d'organisaziun è gist sin turnea cun la gruppa "Mummenschanz".
-
21:37
"Tge ideas - gieus!"
Walter Rosselli ha fatg il bainvegni a Domat. Il suprastant da l'Uniun per la litteratura rumantscha ha sa dumandà tge che "gieus" hajan pers tar in'occurrenza seriusa sco ils Dis da litteratura?
-
19:41
Ils gös da Göri
In spezialist da gieus (da pleds) en la litteratura rumantscha è senza dubi l'autur puter Göri Klainguti. Intgins schatgs da ses gieus da pleds, ma era da ses videos e dissegns èn exposts tar l'entrada da la halla Tircal a Domat.
-
19:22
"Quei ei miu grep..."
L'inscripziun en crap - il Premi SRG.R 2017 per il comité d'organisaziun.
-
18:57
Era il premi SRG.R è a Domat
Questa primavaira era il comité d'organisaziun dals Dis da litteratura vegnì onurà cun il premi da la SRG.R. In stausch da motivaziun per il comité. Il premi - in'inscripziun en crap fa perquai parada a Domat quest onn.
-
18:37
La survista dals "gieus"
Tge porscha il program dals Dis da litteratura 2017. Angela Hendry dat ina survista - en discurs cun il moderatur Livio Foffa.
-
18:23
Las davosas preparativas
La halla Tircal a Domat è pronta ed il comitè dals Dis da litteratura fa en sala la davosa sesida avant ch'i va liber.