RTR Concerts - Alvin Muoth – Oratori da Nadal

L'Artg musical spezial per Nadal dura duas uras e porta l'Oratori da Nadal d'Alvin Muoth tenor pleds da sora Florentina Camartin. 1998 ha Alvin Muoth – che po festivar oz, ils 25 da december 2020, ses 55avel anniversari – cumponì quest emprim oratori da Nadal en rumantsch. RTR ha gì registrà quel ils 19-12-1998 en la baselgia da Zorten. Ils interprets: Carli Elvedi, bass; Christiana Ludwig, orgla; Katrin Bamert, arpa; Chor da concert grischun ed in orchester a cordas ad hoc. Dirigent: Alvin Muoth. Ordavant udin nus d'Arcangelo Corelli (1653-1713) ses Concerto grosso en g-mol, op. 6/8 cun il suttitel Fatto per la notte di Natale interpretà dal Musikkollegium Winterthur. Dirigent: Gabor Takacs-Nagy. Ina registraziun da SRF dals 19-12-2020.