Ils 28 d’avrigl ha in dals gronds musicists e cumponists svizzers ses 70avel. Il bernais Peter Reber che vala sco in dals artists svizzers cun il pli grond success. Durant sia lunga carriera ha el vendì sur 2 milliuns portatuns.
Ils emprims gronds success cun Peter, Sue & Marc
La carriera da Peter Reber cumenza il 1968 cura ch’el furma cun Susan Schell e Marcel Dietrich il trio Peter, Sue & Marc. Gia il 1971 represchentan els la Svizra al Eurovision Song Contest e vegnan sin la 12avla plazza. Il grond success datti lura il 1976. Cun la chanzun «Djambo Djambo» vegnan els quarts e quai dat er schlantsch a lur carriera. Lur chanzuns «Like a Seagull», «Cindy», «Birds of Paradise» e «Io senza te» daventan semperverds. Il 1981 esi lura a fin cun Peter, Sue e Marc.
Peter Reber realisescha ses siemi
Il 1982 parta el cun sia dunna Livia per in viadi che vegn a durar 7 onns. Cun la bartga a vela «Cindy» traversa el l’Atlantic, va enavant fin in Alasca e sa ferma lura sin las Bahamas. Durant quel viadi realisescha el ils discs «Grüeni Banane» e « Jede bruucht sy Insel», er quai cun grond success.
Return en Svizra
Il 1995 turna el en Svizra e cuntinuescha a far musica. La famiglia ha er dus uffants, Simon e Nina e cun sia figlia Nina fa el er discs cun chanzuns da Nadal. Peter Reber ha survegnì pliras giadas il Prix Walo ed il 2016 er il «Swiss Music Award» per sia ovra da vita.
D’Schnapsbrönnerei im Paradies (1975)
Grüeni Banane (1985)
Jede bruucht sy Insel (1986)
Dr Sunne entgäge (1988)
Ufem Wäg nach Alaska (1990)
I wünsche dir (1993)
Timbuktu (1998)
Winterzyt – Wiehnachtszyt (1998)
Ds Hippygspängschtli ufem Schuelwäg (2003)
Winterland (2004)
Himel & Ärde (2006)
Es Läbe voll Lieder (2010)
Nimm mi mit (2011)
Schöni Wiehnachte (2011)
E chli ewig - das grosse Live Konzert (2012)
Mit den Gezeiten (Santiano cun Peter Reber, 2013)
e 17 discs cun Peter, Sue & Marc
RR famus e glorius 10:30