Ils 6 da mars 1871 è Flurin Camathias naschì a Laax. Suenter la scola en sia vischnanca natala ed il gimnasi a Mustér ha el studegià al seminari teologia a Sogn Glieci a Cuira. Cun 24 onns ha el surprendì la plaiv da Breil ed enfin 1934 ès el stà plevon ad Andiast per silsuenter surprender la plaiv da Siat. Quai è stà l’ultima staziun da sia lavur sacerdotala avant sia mort ils 3 da favrer 1946.
Dasper sia lavur sacerdotala è Flurin Camathias savens stà da viadi. El ha fatg viadis en la Provenza, la Catalugna ed en il Portugal fin en Brasilia ed er en l’autra direcziun per exempel vers la Russia e la Pologna. Dapertut ha el translatà poesias da scrivents indigens. Varga 120 translaziuns ha el uschia scrit durant ses viadis. «Rosas ord orts jasters» ha el numnà sias translaziuns. In motiv per ses viadis ed ils texts transferids en rumantsch era da mussar a rumantschas e rumantschs co autras linguas minoritaras sa dostan e van enturn cun lur situaziun.
Sias atgnas poesias raquintan savens da l’atgna patria sco «A mia biala patria», «Miu vitg nativ» ni «Lunsch da casa benedida». Ma era il traffitgar dal mintgadi ed en spezial la natira han inspirà el per bain inquala poesia.
Ils titels en l'emissiun
TITEL | INTERPRET | CUMPONIST |
---|---|---|
Al pur grischun | Chor viril Lumnezia | Lavater, Hans / Camathias, Flurin |
La sera sper il lag | molto cantabile | Casanova, Gion Balzer / Camathias, Flurin |
La Ligia Grischa | Chor viril da Trun cun quartet instrumental da Trun | Sialm, Duri / Camathias, Flurin |
Miu vitg nativ | Chor viril Alpina Cuera | Müller, Anton / Camathias, Flurin |
Sin l'alp (Sin l'alp ch'ei cargada) | Chor Romontsch dalla scola cantunala Cuera | Decker, Wilhelm / Camathias, Flurin |
Conta, olma | Chor mischedau Dardin | Muoth, Alvin / D'Aquin, T. / Camathias, Flurin |
Egl uaul | Chor viril Ligia Grischa | Derungs, Gion Antoni / Camathias, Flurin |
Himni | Chor mischedau Vrin/Surin | Muoth, Alvin / Camathias, Flurin |
La sera | Cor da baselgia Müstair | Mozart, Wolfgang Amadeus / arr. Derungs, Gion Antoni / Camathias, Flurin |
A mia biala patria | Chor viril Laax | Erni, Hans / Camathias, Flurin |
Fontaunas clar resunan | Chor dils Larischs | Erni, Hans / Camathias, Flurin |
Lunsch da casa benedida | Chor Uvriu Danis-Tavanasa | Derungs, Gion Giusep / Camathias, Flurin |
La giuvna mulinera | Ils Urlauns da Vella | Meister, Casimir / Camathias, Flurin |
La selva sededesta | Chor viril da Mustér | Hegar, Friederich / Camathias, Flurin |
Noss lungatg | Chor masdo da Stierva-Mon | Derungs, Gion Giusep / Camathias, Flurin |
Notg stellida sur la mar | Chor mischedau Rueun-Siat | Tschuor, Gion / Camathias, Flurin |
O pren si lev | Chor viril Domat | Erni, Hans / Camathias, Flurin |
Sin Cadruvi | Chor viril Zignau | Thöndury, Emil / Camathias, Flurin |
La spusa dil pastur | Chor mischedau Trin | Erni, Hans / Camathias, Flurin |
En noss archiv da musica èn da chattar nundumbraivlas registraziuns da chors - en spezial chors rumantschs e grischuns.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.