Ils 31 da fanadur 1889 è Tumasch Dolf naschì a Maton sin la Muntogna da Schons. Mort è el ils trais d’october 1963 cun 74 onns a Ziràn – pia avant 60 onns. Bun 1'000 chanzuns popularas grischunas ha Tumasch Dolf cumponì. Insaquantas da quellas pudain nus tadlar oz, chantadas da divers chors grischuns. Tranter auter «Cor, pertgei eis aschi trests?», «Mo aunc in pign mument» ubain era «Mintga sera».
Per scuvrir dapli davart Tumasch Dolf pudais tadlar l’emissiun d’Astrid Alexandre che ha prendì sut la marella sia vita e musica.
En noss archiv da musica èn da chattar nundumbraivlas registraziuns da chors - en spezial chors rumantschs e grischuns.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.