Julia Stone, Billie Eilish, Lana Del Rey e Dua Lipa sajan insaquants da ses idols, di la giuvna chantadura da Losanna. Oravant tut la vusch fina da Julia Stone e la tenuta da Billie Eilish fetschia impressiun ad ella.
Ella sezza na sto dentant betg sa zuppar davos da quels gronds nums. Sia energia e sia vusch stat per sasez. Cun sia musica vul ella elavurar ses patratgs e quitads. Saja quai mal d’amur sco era ses cumbat per l’egualitad da dretgs per umens e dunnas. Tar quai di Maryne: «Mes texts èn mes access tar il mund».
Mx3 – tuts per in
Avrir la boxSerrar la box
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch, il link avra en ina nova fanestra.