Chantadura e chantadur
Questa giada èn ils giasts en il studio da Marionna Lombriser duas persunas laicas, vul dir, duas persunas che chantan sco hobi. D'ina vart la Surmirana Silvia Demarmels e da l'autra vart Gaudenz Coray da la Surselva. Els discurran davart lur chanzuns preferidas, lur plaschair da chantar en chors e da lur sentiments durant chantar.
Er questa giada pon audituras ed auditurs sa participar a la discussiun cun telefonar direct en l'emissiun da Marionna Lombriser.
Duas emissiuns cun partizipaziun dal public
En vista a l'emprim Festival da la chanzun rumantscha fa RTR duas emissiuns da «Noss chors» . Avant in'emna ha Marionna Lombriser envidà en il studio la dirigenta Flavia Walder ed il dirigent Curdin Lansel. Els han discurrì da lur chanzuns preferidas e tge cumposiziuns che plaschan ad els il meglier u fitg bain.