![Las Liricas Analas Ils quatter commembers da las Liricas Analas](https://www.rtr.ch/static/cms/images/960w/5e526c.jpg)
Ditg èsi stà ruassaivel enturn las Liricas Analas e bain inqualin vegn forsa ad avair fatg quitads sch’ins vegn insumma anc ina giada ad udir insatge dad els. Uss datti ina vehementa resposta: GEA, ils piuniers dal rap rumantsch turnan sin il palc e quai era gist cun nov sound! Ed uss è er arriva lur disc nov, il 5avel «Banalitad» cun in return tar lur ragischs: dapli rap e hip hop, damain disco.
Gia al principi da l'onn han els preschentà las emprimas dus singles «La clav» e «Dar il maun» ed els èn er stads sin tribuna
En il rom dal «Laax Open» han els dà ils 22 da schaner a Laax il concert da comeback. Igl è stà lur emprim concert dapi 3 onns. RTR ha visità ils trais sursilvans tar lur davos termin da studio ed ha accumpagnà els cun lur emprims pass enavos sin il palc.