Vanessa Mai è ina dunna cun bleras fassettas, el mund dal schlagher è ella probabel la pli experimentala. Ella ama da far musica da differents geners e sounds e quai è d’udir sin ses nov album «Matrix».
Er Matthias Reim ha edì in nov album. 16 chanzuns frestgas sco la primavaira. Sia vusch rockusa tuna anc meglier che avant onns, ils refrains èn vegnids pli pompus e las balladas pli balladescas. L’album «Zeppelin» è ditg curt e bain in das megliers Reims da tut il temp. Anc mai ha sia musica tuna uschè giuvenil e captivant.
Plinavant tadlain anc intginas singles novas dad: Anna Carina Woitschack, Semino Rossi, Michelle Fäaschtbänkler, Marie Reim, Die Schlagerpiloten, Anita Hofmann, Vincent Gross e Cristina Maria Sieber.
Musica da la sparta schlagher e schlagher popular. Cun ina preschentaziun da musica nova, semperverds e bler dapli.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.