Els èn naschids al principi dal 20 avel tschientaner ed èn daventads musicants e cumponists impurtants per la musica populara grischuna. Els han cumponì blers tocs ch’èn daventads fitg enconuschents.
Nus tadlain in per tocs da Luzi Bergamin, naschì ils 21 da fanadur 1901 a Vaz e mort als 14 da zercladur 1988 a Liebefeld. El è stà in musicant ch'ha influenzà fermamain il stil grischun ed el ha era cumponì tocs per musica instrumentala e chanzuns da chor. Lura suanda musica da Hans Fischer, annada 1903. Er el è stà in musicant da vaglia e cun gronda passiun. Er d'el datti blers tocs enconuschents sco per exempel: Am Stieremarkt in Thusis, An der Joch-Chilbi ubain Im Welschdörfli z'Chur. Il terz musicant e cumponist è Karl Grossmann, naschì il 1910 ad Uznach. Il 1933 è el vegnì a Cuira, ha sunà tar diversas chapellas, cumponì blers tocs – ed el aveva er ina scola d’accordeon, ina chasa editura da musica ed ina butia da musica en la citad veglia.
Ils semperverds da Grossmann èn: il «Eckstein-Schottisch», «Erinnerungen an Bergün» ubain «Obervazer Fecker». Quests tocs vegnan interpretads da chapellas grischunas e da tut la Svizra.
La musica populara dal Grischun e da la Svizra chatta ses lieu en questa emissiun.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.