In dals inscunters impurtants da la musica populara è la «Stubete am See» ch'è mintg’onn la fin d’avust a Turitg. Da quest eveniment datti er ina varianta muntagnarda: Dals 21 als 23 d’october è er a Segl en Engiadina ina Stubete am See cun blera musica populara, da sauts tradiziunals ed innovativs fin tar tuns enconuschents e surprendents. Las furmaziuns vegnan da l'entira Svizra e preschentan lur musica cun gronda variaziun e cun blers instruments, dal orgelet al cello, da la tiba al arpet e da la ghitarra al cuntrabass.
Il program da quests trais dis cuntegna 26 concerts sin palcs en hotels, en la baselgia averta ed en la chasa da scola Champsegl.
Las furmaziuns da la Stubete am See a Segl
-
Bild 1 von 6Legenda: Dal Appenzell: ils fragliuns Küng MAD -
Bild 2 von 6Legenda: Ambäck MAD
-
Bild 3 von 6Legenda: La chapella Bodaguat MAD
-
Bild 4 von 6Legenda: Ils Fränzlis da Tschlin MAD
-
Bild 5 von 6Legenda: Schäbyschigg MAD
-
Bild 6 von 6Legenda: Balthasar Streiff MAD
Las chapellas e furmaziuns
Sin ils differents palcs datti musica dals Engadiner Ländlerfründa, dals fragliuns Küng dal chantun Appenzell, Ambäck, Schäbyschigg, la chapella Bodaguat, e da Balthasar Streiff cun tibas e corns. Ina premiera preschentan ils Fränzlis da Tschlin cun lur ovra «Der Schatz im Silsersee» – ed a Luzi Bergamin (1901-1988), in dals musicants e cumponists impurtants da la musica populara grischuna, vegn regorda cun il project «Luzi-Musig».
La musica populara dal Grischun e da la Svizra chatta ses lieu en questa emissiun.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.