La populara dad oz è deditgada plainamain a la festa federala da musica populara dals 21 als 24 da settember. Quella è stada per la 14avla giada – e per l'emprima giada en il Tessin, a Bellinzona. Da gievgia fin dumengia han passa 80'000 visitadras e visitaders pudì giudair musica populara preschentada da var 2000 musicantas e musicants e 250 furmaziuns. Questas han sunà sin 14 palcs – ed en tut hai dà sur 400 concerts.
Da la partida: bleras furmaziuns e chapellas da tut la Svizra, mintgina cun ses stil e quai ha procura per gronda variaziun. RTR ha registrà diversas da questas chapellas e furmaziuns e perquai udis oz ina «Populara» deditgada a la festa da Bellinzona. Nus avain preparà in'ura cun blers tocs sco: «Öl am Huet», «Nel Bosco», «Scarnuz Grischun», «Tempi passati», «Em Schüppele Sepp sis» e «La Castellana». E vus udis chapellas tessinaisas, da la svizra franzosa e tudestga ed er dal Grischun. Las chapellas «Arflina», «Bündner Ländlermix», il «Quartetto Prisma», «L'écho du petit Lac», «Ticino Folk» e bleras autras.
Impressiuns da la festa federala da musica populara a Bellinzona
-
Bild 1 von 9Legenda: MAD -
Bild 2 von 9Legenda: MAD
-
Bild 3 von 9Legenda: MAD
-
Bild 4 von 9Legenda: MAD
-
Bild 5 von 9Legenda: MAD
-
Bild 6 von 9Legenda: MAD
-
Bild 7 von 9Legenda: MAD
-
Bild 8 von 9Legenda: MAD
-
Bild 9 von 9Legenda: MAD
La musica populara dal Grischun e da la Svizra chatta ses lieu en questa emissiun.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.