En l’emissiun dad oz dain nus in sguard sin in pèr eveniments da musica populara ch'èn sin il program las proximas emnas ed ils proxims mais. Suenter dus onns cun blers eveniments che han stuì vegnir annullads datti puspè moviment, ed il chalender d’inscunters da musica populara è puspè emplenì bain. Ils 7 d’avust è l’inscunter da chapellas a Furgglis sur Tschiertschen.
Ils 3 da fanadur è lura la dumengia da musica populara a Safien – e dals 20 als 22 da matg il festival da musica populara ad Altdorf, er cun participaziun grischuna. Gia questa fin d’emna datti en il Marsöl a Cuira la 5avla notg da musica populara cun bal. Nus preschentain las chapellas ch'èn sin il palc: ils Bergüner Ländlerfründa – il duo Schüpferimeitli – ils Churer Muulörgeler, las chapellas Grischuna Örgeler, grauBÜNDIG, D'Wasewachser, il Ländlertrio Hermann, il duo d’accordeons Just/Meierhans, las chapellas Kapelle Rhygold ed Alp Stätz, ils Schwizerörgelifründa Felsberg e bleras autras.
Er en Engiadina datti puspè in inscunter da musica populara, ils 27 d’avust a Strada. Quel era vegnì organisà da Rudolf Fliri da la chapella Engiadina ch'è mort il 2017. En sia memoria datti ina cuntinuaziun. Il program definitiv n’è betg anc enconuschent.
Las chapellas sin ils palcs dals inscunters da musica populara
-
Bild 1 von 6Legenda: La chapella Just/Meierhans. MAD
-
Bild 2 von 6Legenda: La chapella Alp Stätz. MAD
-
Bild 3 von 6Legenda: La furmaziun Schüpferi Meitli – quella è sin il palc la notg da musica populara en il Marsöl. MAD
-
Bild 4 von 6Legenda: Ils Bergüner Ländlerfründa. MAD
-
Bild 5 von 6Legenda: Ils Grischuna Örgeler. MAD
-
Bild 6 von 6Legenda: Il Ländlertrio Herrmann MAD
Dapli infurmaziuns
La musica populara dal Grischun e da la Svizra chatta ses lieu en questa emissiun.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.