En la «populara» da RTR gratulain nus oz a Bruno Brodt. Il musicant e cumponist ch'abita a Zizers è naschì ils 7 da zercladur dal 1959 a Cuira, cun 11 onns ha el cumenzà a sunar e gia 3 onns pli tard è el daventà commember da la chapella «Grischuna». Quella era vegnida fundada da Stefan e Mathis Brodt, Niklaus Jäger e Hansjürg Donatsch ed è stada ina da las furmaziuns impurtantas da la musica populara grischuna e sunava sin in aut livel e sa preschentava sin il palc per bleras occasiuns. Cun la chapella Grischuna ha el sunà 40 onns, ha registrà divers portatuns ed ha cumponì passa 80 tocs. El ha er fundà il «Bündner Ländlermix» per sa preschentar a la festa federala da musica populara dal 2011 a Cuira – e sco cumponist è el er stà zunt diligent ed ha cumponì var 80 sauts, per exempel: «Capricorn grischun», «Kravall im Stall», ubain il «Sapperlot». Quests tocs vegnan interpretads da chapellas grischunas e da tut la Svizra.
La musica populara dal Grischun e da la Svizra chatta ses lieu en questa emissiun.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.