Cun «Modus Operandi» ha la 3BA Concert Band, la furmaziun da la Bayrische Brass Band Akademie da Minca, gia edì ses segund disc cumpact sut la direcziun da Corsin Tuor. Il titel dal nov portatun «Modus Operandi» è emprestà dal titel da l'ovra principala dal disc. Stephan Hodel ha cumponì l'ovra durant il temp da crisa da corona, durant il temp che quasi nagin musicist e nagina musicista ha pudì lavurar pervi da las restricziuns severas. Hodel ha nizzegià quest temp tranter auter per cumponer.
Er uschiglio ha la 3BA Concert Band registrà ovras d'ulteriurs cumponists svizzers, er Rumantschs. Sin il disc datti l'ovra «A Trip to the Mountains» da Gion Andrea Casanova. Il solo per posauna descriva il viadi cun motor en ils culms e las vals grischunas. Corsin Tuor ha arranschà l'ovra per Brass Band. Vitiers ha il dirigent er arranschà la chanzun «Il grond silenzi» da Flavio Bundi.
L’emissiun preschenta furmaziuns da brass, armonias, fanfaras, musicas militaras, furmaziuns pitschnas ed auter pli.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
