Jacob de Haan è naschì ils 28 da mars 1959 a Heerenveen NL. El vala sco in dals pli populars cumponists da musica instrumentala dal temp actual. Sias cumposiziuns, per gronda part ovras sin incumbensa, èn enconuschentas sin l'entir mund. «Oregon» (dal 1988) è si'ovra che vegn probabel preschentada il pli savens sin l'entir mund. Cun quella ha el chattà attenziun internaziunala. Adina puspè è il cumponist da chattar sin ils programs da concert da nossas societads da musica sco era sco cumponist d'ovras a festas da musica chantunalas e districtualas.
El scriva ovras per ils pli divers stgalims da pretensiun, ovras concertantas curtas, material per novizas e novizs, musica da divertiment, dentant era marschs. Vitiers arranschescha el era litteratura classica u chorals.
Jacob de Haan cumpona era sut plirs pseudonims sco Dizzy Stratford, Ron Sebregts, Robert van Beringen u Tony Jabovsky.
Dapli da Jacob de Haan
Era ses frar pli vegl Jan è in cumponist da musica instrumentala.
L’emissiun preschenta furmaziuns da brass, armonias, fanfaras, musicas militaras, furmaziuns pitschnas ed auter pli.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.