Marius Bär
L’ediziun 2016 da l'Open Air Lumnezia è la terza ch’il giuven e simpatic chantautur da l'Appenzell ha visità.
Cumenzà ha l’istorgia OAL dal fitg talentà musicist avant trais onns. Là ha el visità per l’emprima giada la Val Lumnezia sco visitader da l’open air.
L’onn passà è el turnà per lavurar davos ina bar dal pli grond festival Grischun. E quest onn – gea tut las bunas chaussas èn propi trais – stat el gia sin la tribuna pitschna da la gievgia.
Intervista cun Marius Bär
Giganto & Mattiu
Giganto e Mattiu èn dus giuvens rumantschs che fan dapi bun in onn musica ensemen.
Els èn fitg engaschads, ambizius e sa passan cun gronds pass da palc tar palc da differentas occurrenzas en la Svizra Orientala. Tgenin’autra band che Giganto & Mattiu pudessan quels chavazzins descriver? Uschia è para il proxim pass er in fitg logic – Giganto & Mattiu sunan a l’Open Air Lumnezia.
Intervista cun Giganto e Mattiu
Delirious Mob Crew
Els èn tuts tranter 17 e 21 e fan musica cun passiun ed ambiziun. Ina giuvna band dal chantun Turgovia dat gas!
Er sche lur band exista pir dapi bunamain in onn han els gia gudagnà divers contest en la Svizra Orientala – ed oz han els mussà lur energia sin il palc da talents da l’Open Air Lumnezia.
Il chantadur Aaron Berliat ed il ghitarrist Jonathan Sachweh èn stà suneter lur concert per ina intervista tar RTR.
Intervista cun Delirious Mob Crew
No Future
Els èn stads la gievgia sper las Liricas Analas in dals matadors locals cun ina lung’istorgia sco band.
Cun ina fulminanta ed intensiva performance n’han els betg mo persvas ils visitaders – na, els han per propi dà «vollgas» è cun els era il public. I è vegni sautà, chantà e siglì che la terra tremblava.
Intervista cun No Future
Liricas Analas
Las Liricas Analas – la primavaira da return cun lur 5avel disc «Banalitad» – e puspè sin il palc da l’Open Air Lumenzia
Flepp, Orange, Jusht e Suivez èn per la quarta giada a l’Open Air Lumnezia. Quai è lur festival «da chasa» ed adina in eveniment special er sch’els èn gia sa preschentads tar festivals pli gronds sco Son Gagl, Gurten e Frauenfeld.
Avant lur concert a Degen han els raquinta a Jachen Prevost davart las reacziuns sin lur disc nov, lur clip da video cun suttext chinais e davart lur return en Lumnezia.