Il festival da jazz 2019 preschenta er per sia 12avla ediziun in program cun nums prominents ed interessants e cun scuvertas dal jazz. Tranter ils enconuschents èn Chick Corea, Aloe Blacc, Mike Stern, Nigel Kennedy, il chantadur e ghittarist tschorv Raul Midón e l’accordeonist virtuus Richard Galliano. Per il concert final als 4 d’avust procura puspè Helge Schneider.
Blers stils da musica
Durant in mais datti concerts cun musica en differents stils e geners per tut ils gusts: Jazz cun Ron Carter, tuns latins da Omara Portuondo, musica dal Balcan cun Goran Bregović – e per atmosfera tropicala procura Gilberto Gil, in dals gronds stars da la musica brasiliana. Ina da las scuvertas ed in’ivetta tut speciala vegn ad esser il trumbettist american Theo Croker.
Ina saira cun vuschs da l’Africa dal Sid
In concert sper l’aua fa la furmaziun Ladysmith Black Mambazo da l’Africa dal Sid, in chor cun vuschs fenomenalas. Lur concert vegn ad esser al Lej da Staz cun in’atmosfera tut speziala.