Festas da musica - Festa chantunala da musica a Cuira 2013

Cuntents cun la festa

Tut en tut hajan var 10’000 persunas visità la festa chantunala da musica. Uschia il president dal comité d'organisaziun Franz Tscholl, ch’è cuntent cun la festa.

L'unic dagut d’amarezza saja ch’il grond cortegi tras la citad da Cuira haja stuì vegnir ditg giu.

RTR ha registrà tut las producziuns ed emetta quellas en differentas emissiuns. Tut quai pudais vus era guardar e tadlar sin questa pagina. Ultra da quai datti qua da vesair ina sequenza da tut las musicas ch’èn sa participadas a la concurrenza da marschar.

La Televisiun Rumantscha mussa en ils Cuntrasts ina survista da la 27avla Festa chantunala da musica a Cuira. Nus preschentain las musicas da Falera, Ftan, Salouf Mon Stierva e la Musica da giuvenils da Cuira. Tranter auter discurra noss moderatur Otmar Seiler cun Franz Tscholl - il president dal comité d’organisaziun, cun Robert Casanova - il president da l’Uniun chantunala da musica e cun Roman Caprez - il president da la cumissiun da musica chantunala.

Concurrenza da marschar

RTR ha registrà tut las musicas ch’èn sa participadas a la concurrenza da marschar. In link tar las differentas sequenzas da mintga musica chattais da vart dretga.

Victurs da las differentas spartas

RTR ha registrà las producziuns concertantas dals victurs en las differentas spartas. Ils Artgs musicals portan las producziuns dals victurs en la sparta Brass Band, ils victurs en la sparta Harmonia ed era ils victurs en la sparta Fanfare mixt.

Plinavant purtain nus era las producziuns concertantas da las musicas che han fatg 180 puncts e dapli, ma che han betg gudagnà. E lura datti era anc las producziuns da las musicas rumantschas a travers las categorias.

Victurs dallas differentas spartas

Impressiuns musicalas e divers discurs

75 furmaziuns (45 grischunas e 30 estras) èn stadas preschentas a la festa a Cuira. L’Artg musical spezial ch'è vegnì emess sonda, ils 08-06-2013 da las 16.00

directamain da la staziun d'autos da posta porta impressiuns da la festa, emprimas producziuns concertantas (tocs da patg e da pensum) e divers discurs cun musicantAs, dirigentAs ed ils uffizials da l'Uniun chantunala da musica dal Grischun. E l'Artg musical da dumengia, ils 09-06-2013 da las 14.00 porta impressiuns musicalas, divers discurs cun musicantAs, dirigentAs ed ina emprima bilantscha.

Tadlar l'artg musical

Producziuns libras da 9 musicas a la staziun d'autos da posta

"Las instrumentalas" dal Radio Rumantsch portan impressiuns musicalas da la 27avla Festa da musica chantunala a Cuira. RTR ha registrà las producziuns libras da 9 musicas a la staziun d'autos da posta.

Tadlar producziuns libras

Pervia da la plievgia nagin cortegi

Il cortegi da la festa chantunala da musica a Cuira è vegnì ditg giu pervia da la plievgia. Ils ins èn cuntents e chapeschan quella decisiun dal comité d'organisaziun - ils auters èn in zichel dischillus ed han tuttina dà pitschens concerts sin plazzas a Cuira.

Cortegi detg giu

Impressiuns d'in dals concerts spontans

Flavio Tuor è l’emprima giada sco dirigent a la festa

Flavio Tuor da Rabius è per l’emprima giada ad ina festa chantunala da musica sco dirigent. La musica ch’è sut sia batgetta n’è anc mai stada ad ina festa chantunala,

la societad da musica Surrein/Rabius - questas duas musicas han numnadamain fusiunà. E l’atun passà ha Flavio Tuor surpiglià la funcziun da dirigent. Nus avain dumandà davart las preparativas e co ch’i stat cun la gnervusadad curt avant che la festa cumenza. Plinavant avain nus lura accumpagnà el e sia musica tar e durant la festa a Cuira.

Flavio Tuor e la societad da musica Surrein/Rabius

Impressiuns dals 09-06-2013 da la Festa chantunala a Cuira

Ultimas preparativas per la festa chantunala da musica (07-06-2013)

Anc chattà avunda voluntaris

Ils organisaturs da la 27avla festa chantunala da musica a Cuira han chattà avunda voluntaris che gidan els tar la festa. Quai suenter ch’els avevan tschertgà la fin matg anc voluntaris sin lur pagina d’internet.