Dapi 30 onns s'inscuntran a Verbier (VS) mintgamai durant duas emnas la stad. persunalitads e giuvens talents ord il mund da la musica classica, musica «seriusa». Il Verbier Festival carmala mintg’onn radund 35’000 visitadras e visitaders en las Alps valesanas ed era svizras per tadlar numerus concerts en sala ed er or en il liber.
Per giuvens talents da musica è il festival er gist ina buna chaschun per emprender da las musicistas e musicists renumads che vegnan er a Verbier.
Il Verbier Festival Orchestra è in orchester sinfonic da musicistas e musicists giuvens tranter 17 e 29 onns ord l’entir mund. Pia ina veritabla funtauna da giuvens talents che pon far cheu impurtontas experientschas per lur futur. Las plazzas en l'orchester èn fitg tschertgadas, savens candideschan pliras 100 persunas sin las radund 50 plazzas en l'orchester. I valan criteris pretensius ed ina giuvna musicanta u in giuven musicant pon sunar maximalmain trais onns en quest orchester.
Ils megliers commembers activs dal Verbier Festival Orchestra dastgan dentant sunar en il Verbier Festival Chamber Orchestra e lura dar concerts cun persunalitads da musica ord l'entir mund.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.