La stad 2009 èn bleras giuvnas e blers giuvens dal chantun Soloturn s'inscutrads en in champ da musica da brass. Duront in’emna han els exercità e preparà in concert. Malgrà lungas emprovas e litteratura pretensiusa s'entupavan intgins dad els la saira ad ina runda da polca. Envidà da propi il fieu per polca haja la tubista Regula Bitterli, ina giuvna dunna plain energia ed in immens plaschair vid polcas. Durant quella emna da champ haja ella infectà tuts cun la fevra da polca, scriva la Power Polka Band sin sia pagina d’internet.
Cu la truppa ha lura suenter il concert dal champ da brass anc sunà tut spontan polcas en il foyer da la sala è quai stà la naschientscha da la formaziun. Bunas musicantas e buns musicants da Brass Band che sunan polca sin aut nivel musical, cun grond gust ed ina virtuositad enorma.
Cumparsa «cuula» – sco lur musica
-
Bild 1 von 4Legenda: Da san.: Andrea Meister, Martina Meister, Dominik Sinniger, Benjamin Meister, Jonas Schmidli, Patrick Grob, Gino-Marino Gysin, Manuel Borer, Michael Gugger, Regula Bitterli MAD -
Bild 2 von 4Legenda: En il center da la Power Polka Band: Simon Schwizer, il dirigent per il disc cumpact. MAD
-
Bild 3 von 4Legenda: La Power Polka Band durant il batten da lur disc cumpact «Polkariert». MAD
-
Bild 4 von 4Legenda: MAD
Dapli
Da Balissat, Benz e Jaeggi ...
Orchesters d'instruments a flad han en la Svizra ina lunga tradiziun. Da las bun 1'900 societads da musica en l'entir pajais sunan radund 1'400 en formaziuns d'armonia u instruments a flad. Ina tala quantitad motivescha natiralmain er ils cumponists svizzers da scriver litteratura per quest gener da musica. In dals gronds cumponists da tala musica è Stephan Jaeggi (1903 - 1957). En sia memoria datti mintg'onn la distincziun « premi Stephan Jaeggi» che vegn surdada a persunas ch'èn sa fatgas meritaivlas per la musica instrumentala svizra. Dentant er Albert Benz (1927 - 1988) u Jean Balissat (1936 - 2012) tutgan tar la crème de la crème da cumponists svizzers per orchester d'instruments a flad. En lur cumposiziuns vivan els vinavant.
... fin Cesarini, Muoth e Waespi
Natiralmain na ston las musicas instrumentalas betg sunar be ovras da cumponists gia mort. Er la generaziun pli giuvna da cumponists svizzers è creativa e sa lascha adina puspè inspirar da scriver novas cumposiziuns. Per dar in' invista en la lavur cumpositorica da questa generaziun datti en l'Artg musical ovras da Franco Cesarini (*1961), Alvin Muoth (*1965), Gilbert Tinner (*1965) ed Oliver Waespi (*1971).
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.