Il 1873 ha il student Rest Antoni Solèr (il «Colonel») fundà la Musica Greina Vrin ensemen cun sis auters cumpogns da sia posa: Sep pot, Gion Battesta Caviezel, Gion Giusep catschadur, Gion Giusep dall'Acla, Sep Antoni Caviezel e Gion Paul Solèr. Rest Antoni Solèr è gist er l' emprim dirigent ed ha fatg quai durant intgins onns. Ils instruments hajan els survegnì gratuitamain or dal rufid da la Musica dals cadets da la scola chantunala, scriva il cronist Gieri Antoni Caviezel. Il fravi d’irom da Lumbrein haja lutegià ensemen la tocca e silsuenter hajan ins para pudì sunar detg pulit cun questas «tschabraccas».
Fotografias ord l'archiv da la Musica Greina Vrin
-
Bild 1 von 11Legenda: La musica durant sunar (onn 1930 u 1932) MAD -
Bild 2 von 11Legenda: Parada a chaschun d'ina festa da baselgia. Davant la societad da musica. MAD
-
Bild 3 von 11Legenda: Rest Antoni Solèr, il «colonel», fundatur ed emprim dirigent MAD
-
Bild 4 von 11Legenda: La societad l'onn 1948 a la festa districtuala a Mustér. Dirigent: Bruno Casanova MAD
-
Bild 5 von 11Legenda: Las uniformas dal 1962 che la musica ha survegnì da la musica da Ballwil. MAD
-
Bild 6 von 11Legenda: La Musica Greina Vrin l'onn 1967 a la Festa chantunala a Domat. Dirigent: Gieri Antoni Caviezel. MAD
-
Bild 7 von 11Legenda: Il cortegi l'onn 1990 a chaschun da la festa d'instrumentaziun ed unifurmaziun nova. Dirigent: Pieder Alig MAD
-
Bild 8 von 11Legenda: Las differentas unifurmas che la musica ha gì ils onns passadas, preschentadas a chaschun da la festa dal 1990. MAD
-
Bild 9 von 11Legenda: La furmaziun il 1992 a la Festa chantunala a Favugn. Dirigent: Pieder Alig MAD
-
Bild 10 von 11Legenda: La Musica Greina Vrin l'onn 2013. Dirigent: Corsin Alig MAD
-
Bild 11 von 11Legenda: Commembras e commembers l'onn da giubileum (2023) RTR, Hugo Schär
Suenter il «colonel» ha Gion Battesta Caviezel surpiglià la batgetta e fatg quai durant 35 onns. Bainprest è la musica sa sviluppada ad ina furmaziun cun in’oraifra qualitad musicala. L'onn 1904 è la musica sa participada a la segunda festa chantunala da musica a Glion. (L'emprima è stada l'onn 1902 a Cuira). Er a la terza festa chantunala il 1906 ha la musica da Vrin fatg part e recaltgà per l'emprima giada in tschupè d'arbajas cun franzlas d'aur.
Per mintga musica instrumentala èn natiralmain ils instruments sez fitg impurtants. Adina puspè ha la Musica Greina Vrin er recaltgà daners (cun concerts e teaters) per uschia pudair «modernisar» ses instruments e remplazzar ils vegls. A chaschun dal giubileum 100 onns Musica Greina hai dà novs instruments ed er novas unifurmas e l'ultima giada ha la societad cumprà il 1987 25 instruments novs per la summa totala da passa 88'000 francs. Il 1990 han las musicantas ed ils musicants festivà questa cumpra e la cumpra d'ina unifurma nova cun ina gronda festa. Durant trais dis hai dà divers concerts ed er in cortegi.
Natiralmain datti durant 150 onns adina puspè bunas fasas e fasas pli criticas sco per exempel in pitschen dumber da commembras e commembers. Actualmain prosperescha la furmaziun dentant bain. Il 2022 è ella sa participada al GP Vignogn (il Grond Premi da Vignogn).
Gronda festa ils 13 e 14 da matg
Per festivar il giubileum da 150 onns ha la Musica Greina Vrin planisà ina digna festa. La sonda saira dals 13 da matg da la musica giubilara in concert da gala. Silsuenter datti saut en la tenda festiva. La dumengia, il di da la mamma, vegnan set societads da musica dal conturn per purtar ils auguris e festivar ensemen cun la musica da Vrin quest term impurtant en l'istorgia. I dat in cortegi cun tut questas musicas che dattan lura pli tard anc concerts en la tenda.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.