Las quatter magistras Andrea Kobler, Anna Jemmi, Karin Peng e Flavia Walder han gì tuttas il medem giavisch: realisar novas chanzuns, legras, divertentas, pfiffigas en rumantsch per il mintgadi en scolina, scola (stgalim bass) u per chantar a chasa en famiglia. Or da quest motiv han ellas translatà en rumantsch il med d'instrucziun tudestg d'Eva e Katrin Zihlmann numnà Hoppelihop e producì ensemen cun RTR in disc cumpact. Quels dis è il disc cun quellas 20 chanzuns per uffants da 4-8 onns cumparì ed è uss en vendita. En l'Artg musical preschenta Flavia Walder l'idea e realisaziun da quest project. Aposta per questas registraziuns fatgas la fin da fanadur si Sevgein en halla polivalenta ha ella dirigì ina gruppa pli pitschna (12 chantaduras ed in chantadur) da ses Chor d'affons da Sumvitg. Hoppelihop – in bel regal per Nadal!
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.