Cumparegliaziun dals maletgs
Legenda:Any Sabadi ed Anik CasuttLas duas chantaduras grischunasMAD
Ina discurra rumantsch, l’autra tudestg svizzer. Ma omaduas chantan oravant tut per englais. Ina è da Sagogn, l’autra da Zezras. Ma omaduas èn gia bunamain da chasa sin tribuna. Ina ha cumenzà da sunar la battaria e l’autra la clarinetta. Ma omaduas han gughegià il pass enavant per pudair s’exprimer meglier. Uss scrivan e chantan Anik Casutt ed Any Sabadi lur atgnas chanzuns e preschentan quellas sin tribuna. Anik Casutt da Sagogn ha perquai barattà la battaria cun la ghitarra. L’instrument preferì dad Any Sabadi da Zezras è il Keyboard ed ina Loopstation – in cundriz per maschadar e modifitgar live sequenzas da musica e chant.
video
Anik e ses grond mument
Or da Giuventetgna dals 18.09.2020.
laschar ir. Durada: 3 minutas 14 Secundas.