Cun sfegliar la gasetta, scrollar tras il telefonin u tadlar radio pudess ins pensar che nus vivain en in mund spir crisas. Strusch che la pandemia da Corona era finida, è vegnida attatgada l’Ucraina. Uss èsi guerra en il Proxim Orient, ils custs creschan e da la catastrofa da clima gnanca da discurrer.
Avais er vus l'impressiun ch'i n'è betg propi simpel da preservar buna luna? Quai è il punct da partenza per ina Marella en tschertga da la buna glina en temps burascus.
Livio Foffa, Madlaina Semadeni ed Anna Miller - trais che dattan tut per la buna luna
Ina tschertga che nus faschain ensemen cun Livio Foffa che procura radiofonicamain per buna glina, la psicoterapeuta Madlaina Semadeni che gida a puspè survegnir in tschiel pli serain sche tut para mo stgir e cun l’autura e publicista Anna Miller che di da sai dad esser ina activista per sanadad mentala.
La pli gronda rolla gioga dentant in dals megliers enconuschents da nus tuttas u tuts – il telefonin.
Anc mai na gieva quai uschè bain cun nus
E sche vus avais gust, da guardar il video da statistica menziunà en la Marella – lura cliccai qua. Il statisticher Hans Rosling barmier mussa, quant bain ch’i va cun nus tuttas e tuts.
Il figl da Hans Rosling maina la pagina Gapminder cun numerusas datas scientificas per dar in update a nossa vista sin il mund.
Tar l'activista per sanadad mentala
E tar Anna Miller chattais vus dapli tar sia idea e quella idea che sa salvar a nus dal diluvi d’infurmaziuns e novitads or da la rait – scrollar pli pauc, viver dapli.
Ed anc ina, in'ultima – la fotografia mussa participantas e participants da la concurrenza ungaraisa per las pli bleras persunas en in bogn che fan al medem mument in selfie, fotografà in Ungaria in mars 2017.
