«La Regiunala 19»: Uschia sa numna l’exposiziun actuala en il center d’art e cultura Cularta a Laax. Tranter 30 propostas inoltradas ha ina schuria selecziunà dudesch lavurs, vul dir sculpturas, fotografias, maletgs ed installaziuns.
Nus avain gia pudì dar in sguard avant l’avertura. Cun la manadra Yvonne Gienal avain nus discurrì davart il plaschair da pachetar or las ovras, tge che la schuria ha discutà e pertge ch’ils artists giuvens mancan.
En il medem mument concluda «La Regiunala 19» l’emprim onn da la giuvna instituziun Cularta – ina instituziun che n'è betg be gallaria, mabain er lavuratori per workshops e sala da concert. Nua maina il viadi vinavant? Cun Yvonne Gienal tirain nus bilantscha da l’onn passà.
-
Bild 1 von 6Legenda: Sa tge che quai è? ... RTR / Donat Caduff -
Bild 2 von 6Legenda: ... i sa tracta dad objects oranschs ch'èn gist arrivads en ina stgatla .. RTR / Donat Caduff
-
Bild 3 von 6Legenda: ... en ils satgs èn pachetadas las «Tourismusbrillen» da Notta Caflisch, ina da las ovras da l'exposiziun «Regiunala 19» en la Cularta. RTR / Donat Caduff
-
Bild 4 von 6Legenda: «Wie man in den Wald ruft», ina sculptura da Gudelia Kobelt Mleczek. RTR / Donat Caduff
-
Bild 5 von 6Legenda: L'ovra dad Ursula Sandmeier cun il num «Whiteout», avant esser pachetada or. RTR / Donat Caduff
-
Bild 6 von 6Legenda: Yvonne Gienal maina la Cularta dapi l'entschatta. RTR / Donat Caduff
En la rubrica litterara preschentain nus – per tut ils amis e las amias dal crimi – la publicaziun «Randulin» da Daniel Badraun, il quart cas da l’antierox Claudio Mettler.
Dapli dal tema
RTR magazin da cultura 11:00