En paucas emnas vegn la baselgia claustrala S. Martin a Mustér a sa transfurmar en ina tribuna da teater: «Der Fels und das Schwert» è in toc scrit aposta per la finiziun da las lavurs da restauraziun e relata la legenda da Sigisbert e Placi, ils fundaturs da la claustra.
En il Magazin da cultura raquintan intgins dals giuvens acturs da la sfida da schonglar tranter scola e teater e Felicitas Heyerick e David Flepp (il duo responsabel per la reschia) raquintan tge ch’il public po tut spetgar da quest toc ch’els numnan ina «gronda chista».
-
Bild 1 von 6Legenda: Flyer dal toc MAD -
Bild 2 von 6Legenda: Avant da giugar èsi d’ir atras il text RTR/ A. Alexandre
-
Bild 3 von 6Legenda: Felicitas Heyerick e David Flepp èn responsabels per la reschia RTR/ A. Alexandre
-
Bild 4 von 6Legenda: La reschissura Felicitas Heyerick dat instrucziuns RTR/ A. Alexandre
-
Bild 5 von 6Legenda: Impressiuns d’ina emprova da «Der Fels und das Schwert» RTR/ A. Alexandre
-
Bild 6 von 6Legenda: Il diavel (giugà da Not Soliva) sa preschenta a la curt dal preses Victor RTR/ A. Alexandre
Tip persunal
Ir ad ina radunanza da vischnanca n’è per franc betg il pli divertent ch’i dat. Pertge duess ins lura pomai ir a guardar in program nua ch’i va per ina tala radunanza? Perquai che Mike Müller è quel ch’è sin tribuna!
La Reprisa
Ina giuria d’architects ha elegì il Muzeum Susch sco «construcziun da l’onn 2019». Ils architects Chasper Schmidlin e Lukas Voellmy hajan transmidà en moda exemplarica in’entira cumbinaziun dad edifizis en in museum modern.
Litteratura
En la rubrica litterara preschenta Esther Krättli il forum online da la revista «Das Gedicht» . Sin questa pagina tudestga, as chattan numnadamain era poesias en rumantsch....
RTR Magazin da cultura 11:00