La «clav da violina d’aur» è la pli gronda distincziun ch’i dat en la musica populara svizra. Quella survegnan persunas per lur engaschament e prestaziun a favur da la musica populara. Ils ultims onns e decennis èn quai stads musicants e cumponists sco: René Wicky, Urs Mangold, Arno Jehli, Dani Häusler, Res Schmid, Carlo Brunner, Domenic Janett, Ueli Mooser, Walter Alder, Hans Fischer ubain Willi Valotti.
Quest onn vegn onurà Johannes Schmid-Kunz, musicant, manader da saut e manager da cultura. El ha 56 onns vegn da Bubikon en il chantun Turitg ed ha suna tar diversas furmaziuns. Gia d’uffant en la «Adliswiler Stubemusig», pli tard tar ils «Ländlerkönige», il trio «Rundum» e lura surtut cun il quartet «Laseyer» e tar la «Hanneli-Musig». El è multi instrumentalist e suna il cuntrabass, la flauta e surtut la violina.
Johannes Schmid-Kunz s’engascha er per la cultura populara, uschia sco maina gestiun da l’uniun da costums da la Svizra e sco manader da producziun d’eveniments sco la «Stubete am See» a Turitg ed il festival «Alpentöne» ad Altdorf.
En questa populara pudais Vus tadlar Johannes Schmid-Kunz e sias furmaziuns.
La musica populara dal Grischun e da la Svizra chatta ses lieu en questa emissiun.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.