Il 1896 è vegnida fundada la Societad da musica Cazas. Durant quests 125 onns è la societad sa transfurmada da la societad da musica a la Brass Band. En l'Instrumentala tedlain intgins tocs da lur concert da giubileum ch'è stà ils 2 d'october en la halla plurivalenta a Cazas. RTR ha registrà l'entir concert. Sco fil cotschen tras quest concert d'anniversari ha la BB Cazas elegì intgins tocs da patg e tocs da pensum che la musica ha tschernì per festas da musica chantunalas u federalas u er per la concurrenza naziunala da Brass Bands a Montreux. Er d'udir en l'emissiun è ina cumposiziun nova che la BB Cazis ha laschà far in giuven cumponist a posta per il giubileum.
En l'Artg musical dals 24 d'october 2021 s'occupain lura pli fitg cun il giubileum da la BB Cazis cun registraziuns ord noss archiv e cun ulteriuras registraziuns dal concert per il giubileum da 125 onns.
L’emissiun preschenta furmaziuns da brass, armonias, fanfaras, musicas militaras, furmaziuns pitschnas ed auter pli.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.