![Veus – Cor Infantil Amics de la Unió In chor d'uffants](https://www.rtr.ch/static/cms/images/960w/61a227.jpg)
En la segunda part da l'Artg musical preschentain nus ina schelta da concerts mess a disposiziun da la EBU, l’Uniun dals radios e televisiuns da l’Europa. Vus udis parts dals concerts da Veus – Cor Infantil Amics de la Unió. Veus signifitga «vuschs», e quai è in chor d’uffants e giuvenils da la Catalugna ch’exista dapi il 1996, che chanta sin fitg aut nivel e che ha in repertori fitg vast. Ses motto è «Il cant coral com mai l’has vist». Il segund concert è da Curdin e Domenic Janett, ina registraziun dal festival da folk da la EBU dal 2018 a Moscau e per finir tadlain nus anc il Blue Aurora Saxophone Quartet, ina furmaziun dal Giapun cun quatter saxofons che interpretescha ovras da Bach fin Beethoven in lur stil tut agen.
![Il Blue Aurora Saxophone Quartet quatter musicists giapunais](https://www.rtr.ch/static/cms/images/960w/c30759.jpg)
![](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Faudio%2F2020%2F07%2F615d8a03036e462cbee1e3f47b0d67ae.jpg&format=jpg&width=320)
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.