Ils set d’october ha provocà la mazzacra da la gruppa da terror Hamas ina nova guerra en il Proxim Orient. Ussa furiescha l’armada israeliana cun tut sia pussanza militara tras la Strivla da Gaza. Millis e millis da persunas civilas vegnan victimas.
Cun tut quai che succeda è era sa resveglià in malspiert che tutgava per bleras e blers da nus plitost tar il passà – l’antisemitissem. La Marella s’approximescha a quest fenomen e dumonda tge ch'è antisemitissem, danunder ch’el vegn e daco ch’el è anc adina qua.
Il Museum gidieu a Hohenems
-
Bild 1 von 8Legenda: Cunter la divisiun da la societad e per la differenziaziun – Hanno Loewy, il directur dal Museum gidieu. RTR -
Bild 2 von 8Legenda: Cun il dialog cunter pregiudizis – il Museum gidieu a Hohenems envida a sa furmar e star da cumpagnia. RTR
-
Bild 3 von 8Legenda: In’insla chauda en il grisch dal november – e quai er anc cun bun café e gasettas. RTR
-
Bild 4 von 8Legenda: In lieu per prender plaz e s’approfundar. RTR
-
Bild 5 von 8Legenda: Dunnas palestinaisas en il center – il Museum gidieu porscha actualmain in’exposiziun speziala deditgada a quatter dunnas palestinais-israelianas. RTR
-
Bild 6 von 8Legenda: Quatter dunnas palestinaisas ed ina fotografa gidieua – quai è l’exposiziun «A Place of Our Own». RTR
-
Bild 7 von 8Legenda: Perditgas dad ina lunga tradiziun gidieua – il museum mussa sin dus plauns las vitas ed ils destins da las Gidieuas ed ils Gidieus a Hohenems. RTR
-
Bild 8 von 8Legenda: Avert per tuttas e tuts – il Museum gidieu offrescha diversas turas, lavuratoris e sustegn per scolas per emprender ad enconuscher meglier la vita da Gidieuas e Gidieus. RTR
Scleriment dat il directur dal Museum gidieu a Hohenems en il Vorarlberg, il scienzà e publicist Hanno Loewy. Ensemen cun ses team s’engascha el dapi onns per il dialog e l’intermediaziun da las culturas differentas.