El saja in da cifras raquinta Giancarlo Lozza. Ed uschia è il studi d’accounting and finance a l’Universitad da Son Gagl era stà in pass logic. Danunder che quest interess vegn, raquinta il Surmiran da 41 onns en il Profil.
Jau ha pli gugent las cifras pèras che las spèras.
Logica è era sia via professiunala. Suenter il studi ed il post sco revisur da quints tar ina gronda firma a Turitg, ha il pass enavos en il Grischun manà el tar la controlla da finanzas dal chantun.
Turnà en Grischun è el tranter auter era per s’engaschar en diversas uniuns. El è president dal Chor viril Surses, cassier da l’Uniun rumantscha da Surmeir ch’edescha la Pagina da Surmeir e commember era d'autras uniuns. In club ch’el ha fundà avant in per onns cun in collega da Casti è il club da fans dals skiunzs Sandro e Livio Simonet. Els sajan vegnids a la conclusiun ch'i dovria in tal club per lur vischin da quartier. Ch’el ha surpiglià il post da cassier è stà cler da l’entschatta davent.
In'uniun dat in sentiment da cumpagnia e quai ma plascha.
Naschì è Giancarlo Lozza en il senn da zodiac dal liun. En il center na stat el perquai tuttina betg uschè gugent sco quai ch’ins pudess pensar. Atgnamain saja el pli gugent cassier d’ina uniun. Ch’el è president dal Chor viril Surses, saja plitost l’excepziun. Er da quella part da sia vita raquinta el en il Profil.
In’ura – in giast. In inscunter cun ina persuna interessanta che raquinta da sia vita, da sias activitads ed experientschas.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.