D'in mument sin l'auter n'èn ins betg mo pli responsabla per l'atgna vita, mabain era per quella d'in pitschen uffantin che na fiss betg bun da surviver senza insatgi che guarda dad el. Durmir tras las notgs po daventar insatge ester. Ed adina puspè inscuntr'ins situaziuns nua ch'ins è surdumandada.
Var mintga 7avla mamma en Svizra è pertutgada mintg'onn d'ina depressiun postpartala e dal reminent era 10% dals babs. Quai inditgescha l'uniun «Depressiun Postpartala Svizra». Rahel Gasser è ina dad ellas.
La Marella raquinta l'istorgia persunala da la giuvna dunna dal Partenz che stat exemplaric per quella d'ina da radund 12'500 mammas en Svizra che crodan mintg'onn suenter l'uschenumnà «eveniment legraivel» en ina crisa. Era sche mintg'istorgia è individuala ed unica: Las experientschas collian.