Per Daniel Camenisch è la communicaziun e las diversas spartas da la communicaziun er fatschenta. Per il chantun Grischun ha el in mandat da communicaziun da crisa. Quai ch'era durant corona planisà per in pèr paucas emnas è la fin finala stà in mandat da trais onns.
Il 2024 è stà in onn tut spezial per il Sutsilvan cun atgna agentura. El è stà il manader general dal project da las festivitads 500 onns Stadi liber da las Trais Lias. Per festivar grond ses 40avel anniversari na saja restà uschia nagin temp.
Surmirans cun Profil
En il Profil raquinta Daniel Camenisch da sia emprima crisa sco emprendist da mecanist d’auto, ch'el ha stuì interrumper causa d’in accident, da ses engaschament per la cuminanza per exempel en divers comités d’organisaziun u sco cumandant da la protecziun civila Viamala. El raquinta er pertge che la Val Schons è e resta a cor ad el e quai betg mo perquai ch'el è president dal Parc natiral Beverin.
In’ura cun biografias, destins, istorgias ed experientschas da giuven e vegl ch’han da dir u da raquintar insatge.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.