Il maletg dal taxi che spetga sper la staziun, da l'auto da persunas cun la glisch cun scrit si «Taxi» sin tetg, quel maletg na vala betg en muntogna. E quai entschaiva gia tar l'auto sez: Il taxi en muntogna è per il solit in pitschen bus. En muntogna è il taxist a medem temp era pur, ubain accumpagnader da transports spezials, ubain schizunt sepultur.
![Ignaz Furger - taxist e sepultur Ignaz Furger](https://www.rtr.ch/static/cms/images/960w/bffe12.jpg)
Casper Nicca ha accumpagnà trais da quels taxists da muntogna en lur mintgadi multifar. Uschia è il film «I scurlatta - ir cun taxi en muntogna» sin via cun Margret e Marco Jäger da Sur, cun Ignaz Furger da Mustér e cun Herbert Michael da Donat. Viadis plain surpraisas, invistas ed aventuras.
![Margret Jäger - taxista e pura Margret Jäger](https://www.rtr.ch/static/cms/images/960w/e71d6a.jpg)