L’artista Daniela Keiser che ha retschet l’onn 2017 il renumà Prix Meret Oppenheim e l’artist rumantsch Arno Hassler èn dapi var 30 onns in pèr. En quest temp han els adina puspè realisà communablamain projects: art e construcziun en il spazi public. Dasperas lavuran els vi da lur atgnas ovras, en ateliers separads.
-
Bild 1 von 7Legenda: Arno Hassler e Daniela Keiser en l'atelier da colur. RTR -
Bild 2 von 7Legenda: Sin il plazzal a Turitg – davos quista parait as zoppa la porta il betun. RTR
-
Bild 3 von 7Legenda: La porta da betun – il project communabel dad Arno Hassler e Daniela Keiser. RTR
-
Bild 4 von 7Legenda: La baselgia barocca da Bellelay cun la gronda lavur da Daniela Keiser. RTR
-
Bild 5 von 7Legenda: Ils artists vid la lavur en la baselgia da Bellelay. RTR
-
Bild 6 von 7Legenda: Arno Hassler sa prepara per ina fotografia panormaica. RTR
-
Bild 7 von 7Legenda: Daniela Keiser en ses atelier a Turitg. RTR
Project «rrring»
Daniela Keiser per exempel lavura vi d’ina gronda incumbensa sin il palantschieu d’ina baselgia barocca en il Giura a Bellelay. Arno Hassler sa deditgescha a la fotografia panoramica en il conturn urban, tranter las autostradas da Turitg. Ma tuttina sustegnan els in l’auter era durant quels projects.
Il film raquinta da las diversas fassettas da la lavur artistica cuminaivla dad Arno Hassler e Daniela Keiser. Il focus central è la collavuraziun en il rom d’in nov project communabel d’art e construcziun per ina scola ad Affoltern, Turitg. Ina lavur cun il num «rring»: portas virtualas e coluradas duain manar las scolaras ed ils scolars en auters munds. Uschia na dat il pèr artistic betg mo colur a la construcziun da betun, mabain er a l’imaginaziun.