Era sche Christian Meuli ha lavurà durant tut sia vita professiunala sin banca, na saja sia lavur mai vegnida lungurusa. Era suenter il giubileum da 40 onns l’onn passà, ha il Segliot l’impressiun che tut sa midia adina puspè.
L’opiniun publica da las bancas è sa midada cumplettamain, ozendi aud ins perfin dal «Bangster».
L’agenda dal Segliot n’è betg pli uschè plaina sco anc durant il temp ch’el era president communal da Segl. Tant pli giauda Christian Meuli uss sias libertads. Tranter auter tadlond musica en ses refugi persunal ch’el ha drizzà èn en lur chasa a Fex Crasta. Il local da hobby è numnadamain deditgà cumplettamain als Rolling Stones.