15 auturas ed auturs che scrivan en ladin dolomitan, furlan e rumantsch prelegian lur texts en la Biblioteca municipala da Brixen/Persenon (Italia). Lur poesias vegnan preschentadas e commentadas da trais critichers e scienziads da litteratura da mintga regiun linguistica, dad Annetta Ganzoni, Gabriele Zanello e Rut Bernardi.
Impressiuns dal festival
-
Bild 1 von 9Legenda: In public pluriling è giast al festival en la bibilioteca da Persenon Freiundzeit -
Bild 2 von 9Legenda: La poetessa ladina Roberta Dapunt prelegia Freiundzeit
-
Bild 3 von 9Legenda: Il cantautur friulan Luigi Maieron sveglia emoziuns Freiundzeit
-
Bild 4 von 9Legenda: L’autura sursilvana Carin Caduff prelegia via video Freiundzeit
-
Bild 5 von 9Legenda: Il cusseglier guvernativ dal Grischun Jon-Domenic Parolini tegna il pled d’avertura per il festival surregiunal Freiundzeit
-
Bild 6 von 9Legenda: La cantautura ladina Anita Obwegs, ina da duas musicistas che accumpognan il festival Freiundzeit
-
Bild 7 von 9Legenda: L’autura ladina Nadia Rungger prelegia Freiundzeit
-
Bild 8 von 9Legenda: Aposta per il festival è vegni fatg in cudesch cun tut las poesias che vegnan prelegiadas e traduziuns en italian e tudestg Freiundzeit
-
Bild 9 von 9Legenda: L’autur engiadinais Dumenic Andry prelegia Freiundzeit
Da la partida al festival da la poesia èn era chantauturas e chantauturs da las trais regiuns linguisticas: Astrid Alexandre per il Grischun rumantsch, il chantautur Luigi Maieron dal Friul ed Antia Obwegs oriunda da la Val Gherdëina.
In inscunter per sa barattar e cumparegliar
Il Grischun rumantsch è preschent cun tschintg auturas ed auturs: Dumenic Andry, Flurina Badel, Carin Caduff, Chatrina Josty e Claudio Spescha. Els vegnan a preleger il venderdi u la sonda lur poesias en ils differents idioms rumantschs. Da la regiun ladina dolomitana èn sin il palc a Brixen: Nadia Rungger, Rafael Prugger, Claus Soraperra, Cristina De Grandi e Roberta Dapunt. Las auturas ed auturs furlans èn: Gianluca Franco, Antonella Sbuelz, Francesco Indrigo, Nelvia Di Monte, Luigina Lorenzini.
L’idea dal «Festival da la poesia contemporana alpina» è – sco ch’ils organisaturs scrivan en ina communicaziun a las medias – da porscher ina «occasiun d’inscunter e da cumparaziun preziusa» tranter las litteraturas da las trais regiuns linguisticas e dad approfundar uschia «l’enconuschientscha da la realitad linguistic-litterara da questas trais inslas linguisticas alpinas».
Organisà vegn l’inscunter da differentas instituziuns dals trais «pajais retorumantschs» – uschia da l’Uniun da scripturas e scripturs dal Tirol dal sid (SAAV), il Center europeic da Litteratura e Traducziun (ZeLT), la Partiziun per furmaziun e cultura ladina da la Provinza da Bulsaun, il chantun Grischun, la Fundaziun svizra per la cultura Pro Helvetia, il Consulat svizzer da Milaun, l’ARLeF (Agjenzie Regjonâl pe lenghe furlane) e la Biblioteca municipala da Persenon.
Tgi che n'ha betg la pussaivladad dad esser il venderdi e sonda a Brixen po seguir las occurrenzas er via in livestream.