L’istorgia da la famiglia dad Antonio Giacometti vegn er avant tar las ovras dals artists enconuschents da la Bregaglia. El sez s’interessia dentant dapli per ovras en connex cun la mecanica, admetta il magister da 67 onns.
Passentà sia uffanza ha Antonio Giacometti en differents lieus en Svizra, causa che la famiglia fascheva adina puspè midada. El sez n’haja dentant mai gì il grond desideri da viagiar tras il mund. Pli gugent sa muventa l’um sportiv tras il mund cun il velo u er ils skis da passlung.
Jau hai grondas difficultads cun la povradad en noss mund.
Entant fiss il bab d’in uffant creschì pensiunà, dentant n’ha el betg gronda veglia dad ir en pensiun e lavura perquai vinavant parzialmain sco magister a la scola professiunala a Samedan.
Ultra da quai sustegna Antonio Giacometti sia sora che tgira lur mamma en la Mesolcina.