La gnervusitad era fitg gronda da lavurar cun in object uschè custaivel.
Annina Dosch lavura actualmain en in pensum da 20% en il Museum Retic a Cuira sco istoricra d’art. Là è ella responsabla per la collecziun textila. Quai èn passa 7’000 objects. Il motiv per quest mini-pensum sajan ils daners. La lavur va mai ora, di l’aurera ed istoricra d’art en il Profil dad RTR. Pervia da sia lavur spezialisada è il destin dad Annina Dosch da lavurar en plirs mini-pensums e per projects. Ella avess schon er gugent ina plazza dad 80% per avair ina paja fixa.
Tranter ils projects ston ins restar luc.
Savens chattan ils projects mai e betg jau ils projects. In dals projects actuals stat en connex cun la producziun da saida en il Grischun ch’ella ha uss cumenzà a far retschertgas.
Il pli segir per in object è da serrar davent el.
I dat objects ch’il Museum Retic mussa gugent perquai ch’els èn pli rars ch’auters. Ma ins stoppia guardar da betg metter or els memia savens en il museum. Cun exponer survegn l’object glisch, e glisch saja in risico.
Jau cus mia vestgadira mezza perquai ch’jau na poss betg star davos l’industria da vestgadira.
