Alexandre Suter ha gugent problems – pertge lura po el chattar soluziuns. Gia da giuvenil vegniva el numnà MacGyver en scola. Sias invenziuns squitscha el entant cun ses stampader 3D ch’el ha fabritgà sez.
En Svizra tutga el tar ils pioniers dal internet: Gia cun 14 onns ha el cusseglià a firmas, co che ins pudess duvrar questa tecnologia ch’era lura anc nova. In pau flair d’agent ha el era: Tar il departament da giustia e segirezza da la Confederaziun guarda el che las autoritads da persecuziun penala survegnan las infurmaziuns ch’ellas dovran dals furniturs da telecommunicaziun.
À propos communicaziun: A chasa tar Alexandre Suter vegn discurrì rumantsch, franzos, englais e mandarin. En quest Profil raquinta el da ses emprim modem, da sia famiglia multilingua e pertge ch’el na sto mai pli bagnar sias ervas sin balcun.
Or da l'archiv:
